Le Blog de l'oncle Sam مدونة العم سام

تتضح نوايا النهضة  يوما بعد يوم في  المحاولة على السيطرة   على  مفاصل الدولة تحسبا للانتخابات القادمة في نية  جلية  لقطع الطريق على منافسيها خاصة منهم حركة نداء تونس الناشئة للباجي قائد السبسي و هو الحزب الذي يشهد على ما يبدو إقبالا شعبيا متصاعدا خاصة في ظل التذمر العام من  تداعيات  الأداء الكارثي للترويكا النهضوية و  تفاقم العنف السلفي المتواتر على المواطنين و  على  مصالحهم  و فنانين و اعضاء من المجتمع المدني. التوغل النهضوي يتخذ شكل تعيينات مسؤولين نهضويين او تجمعيين سابقين اصبحوا موالين للحزب الحاكم الجديد و يشمل هذا التوغل كل أسلاك الدولة بدون تمييز من وزارات و مؤسسات اجتماعية و اقتصادية و شركات حكومية و ولايات و معتمديات.. بقاسم مشترك هو انعدام الكفائة و مكافئة سجناء نهضويين سابقين على "نظالهم" و انتماء بنفسجي سابق يساعد على التحكم في المنظومة بنفس الأساليب البوليسية لدكتاتورية بن علي . بالتوازي مع هاذا التوغل الألي يعيش المشهد محاولات بسط النهضة نفوذها على الاعلام أملا في اعادة "بنفسجت...

بعد تفكير و تحضير دامو اشهر بعد إنتخابات التأسيسي الباجي قايد السبسي كون حزبو " نداء تونس" في الوقت السياسي المناسب وقتلى النهضة تتخبط في ازمة الحكم و الاحزاب التقدمية (المسار و الجمهوري بالاساس) فشلت في التوحد. نداء تونس مازالت معالمه موش واضحة لكن الأرجح انو باش يكون حزب وسطي بالمعنى التونسي ما عندوش اديولوجيا، بورقيبي المرجع في الحداثة و براغماتي اقتصاديا. و هو مرشح باش يلعب دور كبير في الانتخابات الجاية و ينافس النهضة بصفة جدية و يمكن حتى يتحصل على الاغلبية. علاش نداء تونس ينجم ينجح؟ 1. شخص و شخصية الباجي: كاريزما هايلة، خبرة كبيرة في ادارة دواليب الدولة، قاري على يدين البورقيبية و زيد على هاذا انجح المسار الانتقالي الاول بامتياز. في تصوري الباجي اصاب في الاصرار على رئاسة نداء تونس لان الناس محتاجة لصورة زعيم و قائد رغم اني نتصورو باش يحضر قيادات اخرى للادارة الفعلية للحزب و يقعد هو يوجه من الناحية الاستراتيجية.  2.   خطاب الباجي   اقرب ما يكون من التونسي و من...

المؤتمر الاخير للحزب الديموقراطي التقدمي لم يمر بسلام. بعد نهاية المؤتمر فما تيار كامل سمى روحو التيار الاصلاحي جبد روحو من التقدمي و جمد عضوية اعضاؤو البارزين الي هوما 9 نواب في التاسيسي من جملة ال16 نائب متاع التقدمي بما فيهم محمد الحامدي رئيس الكتلة الديموقراطية الي تضم كل نواب الاحزاب التقدمية في التاسيسي. التيار الاصلاحي يعيب  على قيادات التقدمي التاريخية - و هي بالأساس نجيب الشابي و اتباعه - تفردهم بالقرار في الحزب و انعدام الديموقراطية فيه و هاذا من أهم أسباب الهزيمة الإنتخابية متاع التقدمي (1). التيار الاصلاحي يقول زادة الي المؤتمر الاخير ما تمش في مناخ ديموقراطي و الي اعداد المؤتمر المادي و السياسي و العملية الانتخابية بما فيها الجانب التقني سيطرو عليهم القيادات و همشو الأطراف الاخرى و اتهمو بعضهم بالتآمر و الانقلاب عن الحزب. القيادات متهمة أيضا انها استعملت موارد الحزب للقيام بالحملة الانتخابية متاعها و أسقطت اسماء مرشحين عن التيار الاصلاحي من قائمة الاقتراع  (2). و النتيجة متاع هاذا لكل حسب التيار الاصلاحي هو هياكل لا تمثل الجهات في الحزب بما انه مثلا يوجد ا...

لأن  المؤتمر الأخير كان القطرة التي أفاضت كأس تحفظاتي على الأداء السيء لقيادات الحركة. هذا المؤتمر المش ؤ وم كان بمثابة المسرحية التي حبكت خيوطها قبل انعقاده و خلال انعقاده لهدف وحيد و هو إبقاء الدار على حالها و الاحتفاظ بنفس القيادات كل هذا باسم "التوافق" الذي هو في الحقيقة ألعوبة سيئة الإخراج و استبلاه لذكاء المناضلين. لأنه في نفس المؤتمر التعيس لم يحدث أ ي انتخاب لأي شيء كان. و وقع إبعاد و تقزيم و جهل أي رأي مخالف و أي مشروع بديل. كل هذا باسم "التوافق" الذي هو أصلا صفقة خفية للتمكن من الحكم صلب التجديد بداعي الحفاظ على مصالحه و حمايته من " الانقسام ." لأنني جئت لحزب ضننته ديمقراطيا فوجدته بعيدا عن الديمقراطية و محكوما من مجموعة من ال أ ناس همهم الوحيد المكوث في الحكم إلى ابد الآبدين. ل أ ن مبادئ التجديد التي جئت من اجلها لهذا الحزب مجرد شعارات في أفواه قياداته يستعملونها للتسويق لذواتهم. ل أ ن قيم التجديد و خاصة المساواة وقع دهسها من طرف القيادات عندما رأوا أ ن حضور النساء ينقص من فرص بقائهم في أجهزة الحزب. لأنها صارت ثور...

توة مديدة طحت بمقال في مجلة  Courrier international عنوانو  10 idées venues d'ailleurs pour secouer la gauche   . كيف الناس الملاح مشيت تيليشارجيتو و بعثتو الى أصدقائي في التجديد و زاد لبرة من التجديد. للأسف الشديد الى يوم الناس هذا ما جاوبني حد و ما جاني حتى تعليق على المقال .   دونك قررت أني نكتب أنا بيدي مقال بطريقة ال Open source   مقتبس الي حد ما عن مقال Courrier international لكن باضافات هامة و جعلتو ملائم للواقع التونسي. المقال هاذا سميتو   10" افكار لخضخضة اليسار ". 1. التواصل مع جيل الانترنات الثورة ما عملوهاش الفايسبوك و التويتر لكن ساهمو فيها بقدر كبير. و ليوم فما قريب 3 ملاين توانسة على الفايسبوك الي ليوم في تونس اصبح أداة تواصل عادية و تنجم تقول تقليدية و حاجة عادية في الحياة اليومية متاع التونسي و التويتر فيه جالية تونسية هامة مثقفة و عندها القدرة على التأثير على الأفكار. و المعطيات هاذي مهمة على خاطر السياسيين و خاصة اليسار مطلوب منهم انهم يتعلمو كيفاش يتواصلو مع التونسي بالوسائل هاذي الي قا...

بعد الهزيمة متاع 23 اكتوبر حركة التجديد تلقى روحها في مفترق طرق. الوقت تاريخي على خاطر التحديات تاريخية زادة و تتمثل ببساطة في الوجود السياسي و الثقافي و السسيولوجي للتجديد . أنا تجديدي و جيت للتجديد على خاطر المبادئ الي يدافع عليها و لي لقيت فيهم روحي على الاطلاق. لذا الي نكتب فيه توة كلام جاي من أعماق تجديدي غيور على الحركة و خاصة مبادئها . ليوم التجديد و مناضليه خايفين. خايفين على رواحهم لا يضيعو بعد 80 سنا تاريخ و نضال من اجل الحرية و العدالة الاجتماعية و المساواة. الخوف هاذا عادي و مشروع على خاطر الحزب يخاف لا يندثر من المشهد على ضوء التحولات الهائلة و السريعة الي تنجم تعصف بيه . التجديدين زادة خايفين على قيمهم الي يتنفسوها ولي ناضلو و ضحاو من اجلها سنين و سنين. و هاذا زادة عادي و مشروع . لكن الثورة و تداعياتها و الهزيمة الانتخابية وراتنا انو اليسار في تونس مجبور باش يتغير و بطريقة جذرية كان يحب يقعد عايش. يمكن زادة وانا نكتب في ها الكلام هاذا اليسار ديجا في طور الاندثار. اندثار موش معناها موت. ينجم يكون تاسيس لحاجة اخرى تتماشى مع متطلبات الشعب التاريخية ...