Le Blog de l'oncle Sam مدونة العم سام

اذا تأملنا في "الظاهرة" قيس سعيد نجمو نخزرولو من جيهتين. الجهة الاولى: المواقف و الجهة الثانية: المشروع  المواقف: من جهة المواقف قيس سعيد "مسلم فخور"، مع عقوبة الإعدام، ضد المساواة بالميراث (و يعوضها بمفهوم "العدل")، مع تجريم المثلية الجنسية. و هذا يخلينا نحطوه في خانة المحافظ شديد المحافظة. في الغرب يمكن يكون بكل سهولة من اليمين المتطرف.  لكن لقيس سعيد زادة مواقف سياسية اتوة نشوفو كيفاش هي من ركائز برنامجه السياسي و الاجتماعي و حتى المجتمعي. قيس سعيد يُؤْمِن بالدولة مستقلة القرار اطلاقا و الي تعتمد كليا على نفسها و نموها يجب ان يتأتى منها يعني دون اعانة خارجية. لهذا يرى الدول الأجنبية و المؤسسات الدولية التي تربطها شراكة بتونس اكثر كانتهازيين و استعماريين منهم كشركاء. و من الدلائل على ذلك انه يعتبر ان المثلية الجنسية في تونس يشجع عليها الغرب و ان مسألة المساواة غير تونسية بل من إملاءات الاتحاد الأوروبي و ان الجمعيات يمولها أيضا الخارج بطريقة مشبوهة. النظرة للخارج و الغرب بصفة خاصة شبه عدائية. و هنا لنا ان نتسائل عن مآل العلاقات الخارجية لتو

  كل عام بحلول شهر رمضان نفس المشاهد و الوضعيات و الإشكاليات تعاود   تطفو على السطح و تثير نقاش و جدل و اختلافات حادة في المجتمع التونسي.  الإشكالية الرئيسية هوني هي وضعية الناس الي ما تصومش في رمضان و حقهم في العيش بالطريقة الي يحبو عليها و بالتواجد في الفضاء العام. نذكرو الي الناس الي ما تصومش في رمضان موش فقط المرضى و العجز و الأطفال الصغار لكن فما عباد اخرين لسبب او لآخر ما يحبوش يصومو رمضان و نلقاو في تونس من الناس هاذي التوانسة المسيحيين و اليهود و الي ما عندهمش دين و الملحدين و الي بكل بساطة ما يحبوش يصومو في رمضان على خاطر  يحبو يحافظو على نفس نسق و جودة الحياة  متاعهم الي يعيشوها في ساير الأيام. و بصفة عامة الناس الي ما تحبش تصوم مهما كانت اسبابها ما عندهاش علاش تقول الي هي ما تحبش تصوم و ليس مطلوب منها تقديم شهادة في عدم الصيام باش يعيشو عيشتهم كيما يحبو في شهر رمضان. و الناس هاذوما الكل من الخطأ اننا او ان المجتمع و الصحافة و غيرهم يسميوهم ب"الفطارة" لان الفاطر هو الي مطلوب منو باش يصوم و ما صامش لكن الناس هاذي موش مطلوب منها باش تصوم و عدم صومهم هو شيء اختيا