Accéder au contenu principal

1،750 مليار دولار

الحكومة متاع حمادي الجبالي قبل ما تستقيل صححت اتفاق مع صندوق النقد الدولي باش يسلف تونس 1,750 مليار دولار يعني 2,765 مليار دينار و هو ما يمثل 10,5% من ميزانية البلاد معناها مبلغ ضخم. الاتفاق هاذا 3 وزراء متاع حمادي الجبالي رفضو باش يوافقو عليه. مع العلم ان المسالة الهامة هاذي لم يعلم بها المجلس التاسيسي إلي من المفروض يتعدى قدامه للنقاش و التصويت. 

حسب الاتفاق الفلوس هاذي عبارة على cagnotte او شقاقة تاخو منها الحكومة كل مرة تستحق كميات محددة باش تجابه بيها تداعيات "الصدمات الخارجية للأوضاع العالمية" مثلا كيف تطيح السوق الأوروبية الي هي أكبر شريك تجاري لتونس و ماعادش نلقاو باش نخلصو الموضفيين متاعنا نضرا لتدهور الوضع الاقتصادي...

المبلغ هاذا ضخم و صندوق النقد الدولي ما يسلفش هكاكا و في العادة يضع شروط اقتصادية و اجتماعية عديدة و قاسية على البلدان الي يسلفهم فلوس. لهاذا في مقابل القرض هاذا صندوق النقد الدولي اشترط على تونس انها تعمل إصلاحات كبيرة  و هيكلية في عدة مجالات مهمة و حيوية كيفما صندوق الدعم، القطاع البنكي، الصحة، التعليم، صناديق التضامن الاجتماعي... إصلاحات وصفها مدير البنك العالمي أخيرا بانها "مؤلمة". معناها في لغة صندوق النقد الدولي الدولة التونسية مطلوب منها تخوصص أكثر شركات عمومية و تدعم اقل المواد الاستهلاكية الأساسية و تصرف اقل فلوس على الصحة و التعليم و تنقص من تمويلها لصناديق التضامن الاجتماعي. معناها ببساطة الدولة مطلوب منها تقول للمواطن العادي، الي هو ديجا ماشي و يتميزر، عمل على روحك كيفاش تعيش على خاطر الشيء هاذا موش أموري.

الاتفاق هاذا يشبه لخطة الإصلاح الهيكلي الي فرضها على تونس صندوق النقد الدولي في الثمانينات مقابل إصلاحات اقتصادية و اجتماعية ليبيرالية. وقتها تونس كانت في أزمة سياسية و اقتصادية و اجتماعية حادة و بورقيبة مريض ياسر و البلاد ما نعرفوش شكون يحكم فيها و برشة ملاحضين اعتبرو ان صندوق النقد الدولي استغل الفرصة وقتها باش يملي علينا شروطه بما اننا استحقينا للفلوس متاعو باش ما نقيدوش فلسة و تعم الفوضى في البلاد.   

الاتفاق الحالي هاذا لقي العديد من الانتقادات، اللاذعة في بعض الأحيان، من نوع شبيها الحكومة متاع الجبالي تاخو قرارات هيكلية و هي حكومة مؤقتة؟ شبيها تاخو قرارات بالأهمية هاذي من غادي لغادي في السكريتو؟ كيفاش الحكومة تضحي بالسيادة متاع تونس لفائدة صندوق النقد الدولي إلي اصبح هو إلي يحدد التوجهات الاقتصادية و الاجتماعية الكبرى للبلاد؟ و هل تونس بحاجة فعلا للفلوس هاذي و بالاعانة المشروطة متاع صندوق النقد الدولي خاصة و ان بلدان أخرى كيف الأرجنتين عاشت أزمة أكبر و أهول بكثير من حالنا و رفضت رفضا قاطعا "إعانة" صندوق النقد الدولي و سلكتها وحدها و تعافى اقتصادها و رجعت قوية اقتصاديا بعد ما عملت على روحها فقط؟ البعض الآخر يتساءل كان موش الاتفاق هاذا مجعول باش ينفس على النهضة و يخليها تعدي بسلام الفترة الاقتصادية و الاجتماعية الحرجة قبل الانتخابات و من بعد اهوكا كيف تربح باش تبرر موقفها و ما عندنا ما نعملو بما انها في الحكم على الأقل لمدة 5 سنين.

وضعية غامضة جدااا و تساؤلات عديدة على مستقبل تونس و النوايا الحقيقية للحكومة و إذا الناس هاذوما يخممو فينا أصلا او اننا مجرد وسيلة باش يشدو الحكم لقيام سيدنا عيسى.
نشر في Tunisie en chiffres
11.03.2013
Libellés :

Commentaires

Enregistrer un commentaire

Posts les plus consultés de ce blog

الدين لله و الوطن للجميع

  كل عام بحلول شهر رمضان نفس المشاهد و الوضعيات و الإشكاليات تعاود   تطفو على السطح و تثير نقاش و جدل و اختلافات حادة في المجتمع التونسي.  الإشكالية الرئيسية هوني هي وضعية الناس الي ما تصومش في رمضان و حقهم في العيش بالطريقة الي يحبو عليها و بالتواجد في الفضاء العام. نذكرو الي الناس الي ما تصومش في رمضان موش فقط المرضى و العجز و الأطفال الصغار لكن فما عباد اخرين لسبب او لآخر ما يحبوش يصومو رمضان و نلقاو في تونس من الناس هاذي التوانسة المسيحيين و اليهود و الي ما عندهمش دين و الملحدين و الي بكل بساطة ما يحبوش يصومو في رمضان على خاطر  يحبو يحافظو على نفس نسق و جودة الحياة  متاعهم الي يعيشوها في ساير الأيام. و بصفة عامة الناس الي ما تحبش تصوم مهما كانت اسبابها ما عندهاش علاش تقول الي هي ما تحبش تصوم و ليس مطلوب منها تقديم شهادة في عدم الصيام باش يعيشو عيشتهم كيما يحبو في شهر رمضان. و الناس هاذوما الكل من الخطأ اننا او ان المجتمع و الصحافة و غيرهم يسميوهم ب"الفطارة" لان الفاطر هو الي مطلوب منو باش يصوم و ما صامش لكن الناس هاذي موش مطلوب منها باش تصوم و عدم...
1 commentaire
Lire la suite

النهضة: هل هي بداية الدكتاتورية ام بداية النهاية؟

تتضح نوايا النهضة  يوما بعد يوم في  المحاولة على السيطرة   على  مفاصل الدولة تحسبا للانتخابات القادمة في نية  جلية  لقطع الطريق على منافسيها خاصة منهم حركة نداء تونس الناشئة للباجي قائد السبسي و هو الحزب الذي يشهد على ما يبدو إقبالا شعبيا متصاعدا خاصة في ظل التذمر العام من  تداعيات  الأداء الكارثي للترويكا النهضوية و  تفاقم العنف السلفي المتواتر على المواطنين و  على  مصالحهم  و فنانين و اعضاء من المجتمع المدني. التوغل النهضوي يتخذ شكل تعيينات مسؤولين نهضويين او تجمعيين سابقين اصبحوا موالين للحزب الحاكم الجديد و يشمل هذا التوغل كل أسلاك الدولة بدون تمييز من وزارات و مؤسسات اجتماعية و اقتصادية و شركات حكومية و ولايات و معتمديات.. بقاسم مشترك هو انعدام الكفائة و مكافئة سجناء نهضويين سابقين على "نظالهم" و انتماء بنفسجي سابق يساعد على التحكم في المنظومة بنفس الأساليب البوليسية لدكتاتورية بن علي . بالتوازي مع هاذا التوغل الألي يعيش المشهد محاولات بسط النهضة نفوذها على الاعلام أملا في اعادة "بنفسجت...
2 commentaires
Lire la suite

Pour gagner les élections, en communication tu dois être le champion ! (1/2)

Si les progressistes ont perdu les élections du 23 octobre 2011 et que les islamistes d’Ennahdha les ont gagnées c’est pour une grande part à cause ou grâce à la communication. Dépendamment du bord où l’on se situe. En matière de communication, le déficit des progressistes était flagrant. Qui ont commis également des erreurs fatales, qu’elles soient en termes de choix stratégiques, de discours ou d’image. En face, Ennahdha a presque fait un sans faute. Son message était clair. Sa cible très bien identifiée et ses axes stratégiques ont été bien choisis dès le départ. Depuis les élections et malgré quelques améliorations dans la communication des progressistes rien n’a fondamentalement changé. Et indépendamment du bilan, qui peut être considéré comme catastrophique d’un gouvernement qu’on peut qualifier sans exagérer de “nahdhaoui”, le parti islamiste et ses alliés sont demeurés maîtres dans la communication politique. Et dans la communication tout court. Et le bilan ...
Enregistrer un commentaire
Lire la suite